மகா சிவராத்திரி சிவபெருமானுக்காகவே அர்ப்பணிக்கப் பட்டுள்ள புண்ணிய தினம் , மகா சிவராத்திரி ஆகும். சிவ பூஜை செய்வதற்கும் , அவரை வணங்கி , மகிழ்வித்து , அவரிடமிருந்து வரங்கள் பல பெறுவதற்கும் மிகவும் ஏற்ற நாளாக இது விளங்குகிறது. சிவனுக்குரிய இரவுப் பொழுதாகிய மகா சிவராத்திரி என்பது , பல நன்மைகளை நமக்கு அளிக்க வல்லது. மிகப் புனிதமான அன்றைய இரவுப் பொழுதில் சிவ வழிபாடு செய்பவர்களின் பாவங்கள் அனைத்தும் நீங்கும். காலப்போக்கில் , அவர்களுக்கு மோசமும் கிடைக்கும் என புனித நூல்கள் கூறுகின்றன. சிவராத்திரி என்பது , மாதாந்திர நிகழ்வாகும். இது , ஒவ்வொரு தேய்பிறை ததுர்தசி நாளிலும் அனுசரிக்கப்படுகிறது. தமிழ் மாதமாகிய மாசியில் வரும் இது போன்ற சிவராத்திரி நாள் , மகா சிவராத்திரி என்று போற்றப்படுகிறது. இது பிப்ரவரி-மார்ச் மாதங்களில் நிகழ்கிறது. அன்று நாடெங்கும் ஏராளமான மக்கள் , சிவ ஆலயங்களுக்குச் சென்று பூஜைகள் செய்து , சிவபெருமானை வழிபடுகிறார்கள். மகா சிவராத்திரி மகிமை சிவபெருமான் நிகழ்த்திய அற்புதச் செயல்கள் , திருவிளையாடல்கள் பலவும் சிவராத்திரி காலத்தில் தா